ABŞ iki ölkə arasında ticarət münaqişəsi fonunda Çinə təyyarə hissələri tədarükünü dayandıra bilər. Bu barədə ABŞ prezidenti Donald Tramp bildirib. Ağ Evin məlumatına görə, Pekin Vaşinqtonu nadir torpaq elementləri ilə hədələyib. Tramp həmçinin Çini tariflərlə hədələyib.
"Lakin mən təyyarə kimi bir çox başqa şeyləri də təhdid edə bilərdim. Təyyarələrdən xəbəriniz var, çünki onlar öz təyyarələri üçün hissələri ala bilmirlər", - Amerika lideri bildirib.
O əlavə edib ki, ABŞ onları Çin üçün qurur və "böyük iş görür". Tramp qeyd edib ki, bu, ilk növbədə Boeing təyyarələrinə aiddir və Birləşmiş Ştatlar hissələrin tədarükünü dayandıra bilər.
Bundan əlavə, Ağ Ev rəhbəri Vaşinqton və Pekin arasında ədalətli ticarət razılaşmasına ümid etdiyini bildirib. O, belə bir razılaşmanın hər iki ölkə üçün faydalı ola biləcəyini deyib.
Oktyabrın 11-də Tramp mövcud tariflərə əlavə olaraq, noyabrın 1-dən etibarən Çindən gələn bütün mallara 100% rüsum tətbiq edəcəyini açıqlayıb. Amerika lideri həmçinin “kritik proqram təminatı” üzrə ixrac nəzarətinin tətbiq olunduğunu açıqlayıb. Bu tədbirlər Çinin ticarətlə bağlı “son dərəcə aqressiv mövqeyi”nə cavab olaraq təqdim edilir.
Əziz MUSTAFA
