.jpg)
Bakıda fəaliyyət göstərən “Jasmin” uşaq bağçasında əməkhaqqı qalmaqalı yaşanıb.
Bu barədə müəssisənin sabiq işçisi Könül Vəliyeva Publika.az-a mürəciət edib. O iddia edir ki, bağçanın direktoru Aliyə Şirinova onun maaşından 500 manat əsassız şəkildə kəsib və bu günədək də vəsaiti qaytarmayıb.
Onun sözlərinə görə, bağçada bir müddət qeyri-rəsmi şəkildə çalışıb və əmək müqaviləsi imzalanmayıb:
“Məni rəsmi işə götürmədilər. Hər ay maaşımı nağd şəkildə alırdım. Sonuncu ay isə direktor 500 manat saxladı. O vaxtdan pulumu ala bilmirəm”.
Məsələ ilə bağlı bağçanın direktoru Aliyə Şirinova ilə əlaqə saxladıq. O, Könül Vəliyevanın əməkhaqqısının bir hissəsinin ödənilmədiyini təsdiqlədi və problemi qısa zamanda həll edəcəyinə söz verdi.
