İtaliya Kiyevin Rusiya Federasiyası ilə qarşıdurması üçün zəruri olan xüsusi satınalma proqramı çərçivəsində Ukrayna üçün Amerika silahlarının alınmasını ödəməyə hazırdır...
Poliqon-nun məlumatına görə, Bloomberg mənbələri xəbər verir ki, bunu ötən həftə NATO-ya üzv ölkələrin müdafiə nazirlərinin görüşündə ölkənin müdafiə naziri Gido Krosetto bildirib.
"Sentyabr ayına qədər Kiyev altı ölkədən təxminən 2 milyard dollar maliyyə cəlb edə bilmişdi, lakin bu, Moskvanın enerji və mülki infrastruktura hücumlarını artırdığı üçün hədəfdən xeyli az idi. PURL kimi tanınan proqram Kiyevə silah, o cümlədən çox ehtiyac duyulan Patriot raketdən müdafiə sistemləri almağa imkan verir", deyə mənbə qeyd edib.
İtaliya əvvəlcə proqramda iştiraka qarşı çıxdı və Ukraynanın silah almaq üçün başqa variantlarının olduğunu vurğulayıb. Bununla belə, nəşrin mənbələrinə görə, mövqe dəyişikliyi proqramın bəzi müttəfiqlər üçün dominant olacağı təqdirdə İtaliyanın kənarda qala biləcəyi qorxusu ilə bağlı olub.
Mənbələr əlavə edib ki, İtaliya Ukrayna üçün ən azı 10 paket hərbi yardım hazırlayıb. Xüsusilə, Roma SAMP/T batareyaları kimi hava hücumundan müdafiə vasitələrini köçürmüşdü. Bu paketlərin məzmunu məxfi məlumatlardır.
"İtaliyanın baş naziri Corcia Meloni ölkəsinin məhdud maliyyə imkanlarına baxmayaraq, Ukraynanı dəstəkləməyə davam edir", deyə Bloomberg yekunlaşdırıb.
Poliqon.info
