"Bu tarixi addım, yəni nağd puldan imtina, eyni zamanda, maliyyə şəffaflığının artırılması vəçirkli pulların yuyulmasına qarşı mübarizənin gücləndirilməsi məqsədini daşıyır.Hədəfimiz iqtisadiyyatın tamamilə rəqəmsallaşdırılması, əməliyyatlar elektron ödənişlərlə həyata keçirilməsidir",– sədr bildirib.
(Əlcəzair Bankının sədri Səlahəddin Talib)
Onun sözlərinə görə, təşəbbüs çərçivəsində yeni "Pul və kredit siyasəti haqqında Qanun" üzrə hərtərəfli plan hazırlanıb:
"Bu qanun texnoloji yeniliklərə uyğun müasir normativ hüquqi zəminin formalaşdırılması deməkdir. Qanuna əsasən, tamamilə rəqəmsal maliyyə sisteminə keçid məqsədilə Milli Ödəniş Komitəsi qurulacaq".
Səlahəddin Talibin sözlərinə görə, islahat maliyyə sahəsində fəaliyyət göstərən bütün iştirakçılar üçün bazarda sərbəst mühit əmələ gətirir:
"Belə bir təşəbbüs ictimai və təhlükəsiz elektron ödənişlər istiqamətində çox mühüm addımdır".
Məlumat üçün bildirək ki, Əlcəzair hökuməti son illərdə maliyyə sahəsində əsaslı dəyişikliklər həyata keçirir. Burada əsas hədəf çirkli pulların yuyulması və terrorizmin maliyyələşdirilməsinə qarşı mübarizəni gücləndirməkdir.
Firudin Həmidli
AzVision.az
