Fələstin HƏMAS hərəkatı Qəzza zolağında atəşkəs razılaşmasının şərtlərini yerinə yetirməkdə qərarlıdır və ölən israilli girovların cəsədlərinin çıxarılması üçün səylərini davam etdirir.
Busaat.az xəbər verir ki, bu barədə hərəkatın anklavdakı lideri və radikal qrupun danışıqlar heyətinin rəhbəri Xəlil əl-Heya bildirib.
“Biz qalıqların çıxarılması prosesində ciddi çətinliklərlə üzləşirik, lakin biz atəşkəs razılaşmasını həyata keçirməyə cəhd etməyə davam edirik və qərarlıyıq.
Biz əldə edilmiş razılaşmalara sadiqik”,-deyə Heya qeyd edib
Oktyabrın 6-da İsrail və HƏMAS nümayəndə heyətləri Misir, Qətər, ABŞ və Türkiyənin vasitəçiliyi ilə Qəzza zolağında münaqişənin həlli üçün dolayı danışıqları bərpa ediblər. Oktyabrın 9-da tərəflər Amerika liderinin əvvəllər təqdim etdiyi sülh planının birinci mərhələsinin həyata keçirilməsinə dair saziş imzalayıblar.
Qəzzada atəşkəs razılaşması oktyabrın 10-da qüvvəyə minib.
Yeganə
