Binəqədi rayonunda qəzalı vəziyyətdə olan binaların sökülməsi və sakinlərin köçürülməsi prosesi narazılıqlarla müşayiət olunur. Sakinlər iddia edirlər ki, onlara təklif edilən kompensasiya məbləği yeni mənzil almaq üçün kifayət etmir.
NOCOMMENT.az xəbər verir ki, köhnə yaşayış binalarının sökülməsi proqramı çərçivəsində bir sıra ailələrə müəyyən məbləğdə pul təklif edilib. Lakin sakinlər bildirirlər ki, bu məbləğlə Bakıda, xüsusən də Binəqədi rayonunda eyni səviyyəli mənzil əldə etmək mümkün deyil.
“Bizdən evi alıb, yerində yeni bina tikmək istəyirlər. Amma verdikləri kompensasiya ilə burada, heç kənar ərazilərdə belə ev tapmaq olmur”, – deyə sakinlərdən biri bildirir.
