“Abşeron Lions” basketbol komandası FIBA Avropa Kubokunun əsas mərhələsində I qrupun növbəti oyununa çıxacaq.
İdman.Biz xəbər verir ki, Erhan Tokerin baş məşqçisi olduğu kollektiv Bakıda Polşa təmsilçisi “Trefl”lə üz-üzə gələcək.
Qarşılaşma bu gün, saat 19:00-da Bakı İdman Sarayında start götürəcək. I qrupun digər görüşündə Azərbaycan təmsilçisi “Neftçi” ötən gün Bakıda Estoniyanın “Kalev” komandasını 95:84 hesabı ilə üstələyib.
Qeyd edək ki, “Abşeron Lions” ilk qarşılaşmada “Kalev”ə uduzub - 85:93.
