Avropa Komissiyası çərşənbə günü Brüsseldə Avropa İttifaqı (Aİ) ilə yüksək səviyyəli sammitdə Misirə 75 milyon avroluq dəstək paketi imzalamaq niyyətindədir.
Busaat.az xəbər verir ki, Aİ rəsmisi bu barədə “Euronews”-a bildirib.
Rəsmi bildirib ki, qrant sosial-iqtisadi inkişafı təşviq etmək, davamlılıq yaratmaq və səhiyyə, təhsil, su və kanalizasiyaya çıxışı yaxşılaşdırmaqla inklüziv inkişafı təşviq etmək məqsədi daşıyır. Misir Qəzzada atəşkəs razılaşmasının əldə olunmasında mühüm rol oynayıb.
Bu ayın əvvəlində Misir də Qəzza sülh sazişinin birinci mərhələsinin həyata keçirilməsi ilə bağlı beynəlxalq konfransa ev sahibliyi edib.
Görüşdə Avropa və Ərəb liderləri ilə yanaşı ABŞ prezidenti Donald Tramp da iştirak edib. Maliyyələşdirmə 2024-cü ilin martında qəbul edilmiş və 2024-2027-ci illər arasında Misirə 7,4 milyard avro həcmində sərmayə qoyulmasını nəzərdə tutan makromaliyyə proqramının bir hissəsidir.
Yeganə
