Nikol Paşinyan Cənubi Qafqazda nəqliyyat layihələrinin bir-biri ilə rəqabət aparması fikrini bölüşmür və əksinə, regionun nəqliyyat marşrutlarının bir-birini tamamladığı qənaətindədir.
Yenisabah.az armenpress-ə istinadla xəbər verir ki, o,Tbilisidə keçirilən V İpək Yolu Forumunda çıxışı zamanı deyib:
"İcazə verin deyim ki, mən bu fikirlə qətiyyən razı deyiləm, çünki regionumuzun nəqliyyat marşrutları bir-birini tamamlayır, Cənubi Qafqazın tranzit potensialını artırır. Sizə bir misal deyim. Vaşinqton bəyannaməsinin üçüncü bəndinin həyata keçirilməsi nəticəsində Fars körfəzi-Qara dəniz dəmir yolu da açılacaq ki, bu da təkcə Ermənistanın deyil, həm də Azərbaycanın və Gürcüstanın tranzit potensialını əhəmiyyətli dərəcədə artıracaq". Sezar pizza
Baş nazirin sözlərinə görə, bütün bu razılaşmaların həyata keçirilməsi üçün ən mühüm şərt Vaşinqton sammitindən sonra Ermənistanla Azərbaycan arasında bərqərar olmuş sülhdür.
“Biz hazırda Azərbaycanla yaradılmış sülhün institutsionallaşdırılması, Vaşinqtonda paraflanmış “Ermənistan və Azərbaycan arasında sülhün və dövlətlərarası münasibətlərin yaradılması haqqında Sazişin” imzalanması və ratifikasiyası üzərində işləyirik. Eyni zamanda, regionumuza tarixi dəyişikliklər gətirəcək bütün nəqliyyat marşrutları ardıcıl olaraq açılacaq”, - Paşinyan vurğulayıb.
Paşinyanın sözlərinə görə, Ermənistan-Türkiyə dialoqu, Ermənistanla Azərbaycan arasında bərqərar olmuş sülh, TRİPP layihəsi və region ölkələri arasında mehriban qonşuluq münasibətləri Cənubi Qafqazı Şimal və Şərq istiqamətində ən cəlbedici marşruta çevirəcək. Regiondakı bütün ölkələrin infrastrukturu həddən artıq yüklənəcək və hətta artan axınları idarə etmək üçün yetərli olmayacaq:
“Hazırda Cənubi Qafqaza yönəlmiş böyük beynəlxalq maraq Ermənistan, Gürcüstan və Azərbaycanın regionun inkişafı və sabitliyini təmin etmək üçün birgə və ağıllı şəkildə istifadə etməli olduğu kapitaldır. Axı bizim nəinki sülhsevər, həm də inkişaf edən və çiçəklənən Cənubi Qafqazı təmin etmək üçün tarixi imkanımız var”, - Baş nazir bildirib.
Telegram kanalımız
