Almaniyanın avtomobil istehsalçısı “Volkswagen” yarımkeçirici çatışmazlığı ilə əlaqədar “Golf” və “Tiguan” modellərinin istehsalını dayandırmaq qərarına gəlib.
Yeniavaz.com xəbər verir ki, bu barədə “Bild” qəzeti mənbələrə istinadla məlumat yayıb.
Qəzetin yazdığına görə, çip ehtiyatları yalnız yaxın bir həftəyə qədər kifayət edəcək.
Problemlər ilk növbədə “Golf” və “Tiguan” modellərinin istehsalına təsir edəcək.
Bundan sonra şirkət istehsal xəttini bağlamaq məcburiyyətində qalacaq.
