ain.az bildirir, Ayna portalına istinadən.
Pezeşkian Terrorçuluğun Maliyyələşdirilməsi ilə Mübarizə üzrə Beynəlxalq Konvensiyaya qoşulma haqqında qanunu təsdiqləyib
İran Prezidenti Məsud Pezeşkian İranın Terrorçuluğun Maliyyələşdirilməsi ilə Mübarizə üzrə Beynəlxalq Konvensiyaya qoşulması haqqında qanunu rəsmən ratifikasiya edib və bu barədə müvafiq icra hakimiyyəti orqanlarına məlumat verib.
AYNA.AZ “Mehr” agentliyinə istinadən bildirir ki, Pezeşkian İran Parlamentində daha əvvəl qəbul edilmiş Terrorizmin Maliyyələşdirilməsi ilə Mübarizə üzrə Beynəlxalq Konvensiyaya İranın qoşulmasını təsdiq edən qanunla bağlı müvafiq icra hakimiyyəti orqanlarını xəbərdar edib.
Məktub İranın ədliyyə orqanlarına, Daxili İşlər Nazirliyinə, Kəşfiyyat Nazirliyinə, Ədliyyə Nazirliyinə, Xarici İşlər Nazirliyinə, İqtisadiyyat və Maliyyə Nazirliyinə və Mərkəzi Banka ünvanlanıb.
Prezidentin fərmanında qeyd olunub ki, İran Konstitusiyasının 123-cü maddəsinə uyğun olaraq, 2018-ci ilin dekabrında ilkin olaraq parlament tərəfindən təsdiq edilmiş sözügedən qanun daha sonra bəzi əlavə və qeyd-şərtlərlə Məqsəd Şurası tərəfindən təsdiqlənib.
Həmçinin qeyd edilib ki, Konstitusiyanın 125-ci maddəsinə uyğun olaraq, bu sazişin müddəalarının həyata keçirilməsi Konvensiyanın 26-cı maddəsində göstərilən rəsmiləşdirmələrin yerinə yetirilməsi şərti ilə həyata keçiriləcək.
Daha ətraflı məlumat və yeniliklər üçün ain.az saytını izləyin.
