Oktyabr ayı hələ başa çatmasa da, İspaniya La Liqası artıq ayın ən yaxşı futbolçusu mükafatına namizədlərin siyahısını açıqlayıb.
90deqiqe.Az xəbər verir ki, siyahıya beş futbolçu daxil edilib – “Real Madrid”dən Kilian Mbappe, “Barselona”dan Pedri, “Atletiko”dan Yan Oblak, “Betis”dən Antoni və “Rayo Valyekano”dan Xorxe de Frutos.
Hazırda İspaniya çempionatına 9 turdan sonra 24 xal toplayan “Real Madrid” başçılıq edir. “Barselona” 22 xalla ikinci pillədə qərarlaşıb.
Qeyd edək ki, La Liqanın nəhəngləri 26 oktyabr, bazar günü “El Klasiko”da üz-üzə gələcəklər. Görüş Madridin “Santyaqo Bernabeu” stadionunda keçiriləcək və Bakı vaxtı ilə saat 19:15-də başlayacaq.
