“Barselona”nın qapıçısı Mark-Andre ter Ştegenin qış transfer pəncərəsində klubdan ayrılması ehtimalı hələ də istisna edilmir.
90deqiqe.Az "Sky"a istinadən xəbər verir ki, 33 yaşlı qapıçının icarəyə verilməsi ilə bağlı maraq artıq olub. Hazırda Ter Ştegen belindəki problem səbəbindən əməliyyatdan sonra bərpa prosesini davam etdirir.
Yayda “Barselona”nın baş məşqçisi Hans-Diter Flik bildirib ki, əsas qapıçı mövqeyi komandada Joan Qarsiyaya veriləcək. Buna baxmayaraq, Ter Ştegen komandada qalmağı seçib, lakin müəyyən müddət klubla fikir ayrılığı yaşamışdı.
Transfermarkt portalının məlumatına görə, Mark-Andre Ter Ştegenin bazar qiyməti 8 milyon avrodur.
