Bakıda 17 yaşlı yeniyetmə qarında kəskin ağrılar, ürəkbulanma, təkrar qusma, taxta parçasını udduqdan sonra hipertermiya şikayətləri ilə Kliniki Tibbi Mərkəzin (KTM) Təcili Tibbi Yardım şöbəsinə daxil olub.
Oxuməni.az “1news.az”a istinadla xəbər verir ki, bu barədə KTM məlumat yayıb.
Bildirilib ki, müayinədən sonra xəstədə peritonit diaqnozu qoyulub və əməliyyatdan əvvəl hazırlıqdan sonra təcili əməliyyat aparılıb.
Nazik bağırsağın bir seqmenti rezeksiya edilib və kolon qüsuru tikilib.
Əməliyyat zamanı nazik bağırsaqda ileoçekal bucaqdan 70-80 sm aralıda iki deşilmiş yara aşkar edilmişdir. Bu perforasiyaların səbəbi bağırsaq lümenində yerləşən kəskin, sərt yad cisim - taxta parçası idi. Bundan əlavə, kolonda perforasiya da aşkar edilmiş və nazik bağırsağın bütün lümenində müxtəlif ölçülü, kəskin və sərt yad cisimlər aşkar edilmişdir.
Uğurlu əməliyyatdan və səkkiz gün stasionar müalicədən sonra xəstənin vəziyyəti kafi qiymətləndirilib və ambulator müalicə üçün evə buraxılıb.
Azerbaycanpolisi.az
