BAKI, 23 oktaybr. TELEQRAF
Metroda sərnişindaşıma xidməti üzrə gediş haqqı tariflərinin artımı da nəzərə alınmaqla, “Bakı Metropoliteni” Qapalı Səhmdar Cəmiyyətinə sərnişindaşıma xidmətinin maya dəyərindən aşağı olması nəticəsində yaranan zərərin ödənilməsi məqsədilə 2026-cı il üçün 40 milyon manat subsidiya ayrılması nəzərdə tutulub.
Teleqraf xəbər verir ki, bu barədə 2026-cı ilin büdcə zərfinin layihəsində qeyd edilib.
Bu göstərici 2025-ci illə müqayisədə 12,3 milyon manat və ya 44,6 faiz çoxdur.
Qeyd edək ki, 2026-cı il dövlət büdcəsindən iqtisadi fəaliyyət xərcləri bölməsinə aid olan nəqliyyat və rabitə xərcləri üçün 286,9 milyon manat vəsait proqnozlaşdırılıb.
