Keçmiş Boliviya Prezidenti Evo Morales (2006-2019) yeni seçilmiş dövlət başçısı Rodrigo Pazı ABŞ ilə əməkdaşlığın miqyası ilə bağlı referendum keçirməyə çağırıb.
Ucnoqta.az xəbər verir ki, bu barədə Morales X-də yazıb.
"Bir vətəndaş və keçmiş prezident olaraq, yeni seçilmiş dövlət başçısından vəzifəyə başladıqdan sonra nəticələri məcburi olacaq milli referendum çağırmasını, xalqdan "yardım" bəhanəsi ilə Boliviyanı ABŞ-a və onun müttəfiqlərinə təhvil verməyə razı olub-olmadıqlarını soruşmasını xahiş edirəm", - o, qeyd edib.
Onun fikrincə, digər ölkələrin siyasi və iqtisadi elitası kömək etmək deyil, Boliviyanın sərvətini mənimsəmək istəyir.
