Olaylar.az xəbər verir ki, baş nazirin sözlərinə görə, hazırda hakim koalisiya daxilində bir sıra məsələlər üzrə ciddi fikir ayrılıqları mövcuddur. O əlavə edib ki, "əgər hansısa partiya hesab edirsə ki, hökumət öz vəzifələrini yerinə yetirmir, o zaman etimadsızlıq səsverməsini başlatmaq və Rumıniyanın Birləşməsi Alyansının dəstəyi ilə parlamentdə çoxluq formalaşdırmaq imkanına malikdir." Son aylarda Rumıniya mətbuatında Bolojan hökumətinin yaxın vaxtlarda istefa verə biləcəyi barədə xəbərlər yayılıb. Hazırda ölkədə hakimiyyətdə olan koalisiya sol-mərkəzçi Sosial Demokrat Partiyası, sağ-mərkəzçi Milli Liberal Partiya, sağ təmayüllü Rumıniyanın Xilas Birliyi və Rumıniya Macarlarının Demokratik İttifaqından ibarətdir. İqtisadi çətinliklərin dərinləşməsi fonunda bu partiyalar arasında gərginlik artmaqda davam edir. Yerli siyasi müşahidəçilər koalisiyanın dağılma ehtimalının yüksəldiyini bildirirlər.
Bundan əlavə, Rumıniya Konstitusiya Məhkəməsinin hakim və prokurorların pensiyalarının azaldılmasını nəzərdə tutan qanunu - hökumətin ikinci qənaət tədbirləri paketinin bir hissəsini rədd etməsi vəziyyəti daha da gərginləşdirib. Bir sıra siyasətçilər xəbərdarlıq ediblər ki, bu qanun qüvvəyə minməsə, hökumət legitimliyini itirəcək.
Təklifinizi, şikayətinizi bizə yazın. Sizi dinlərik. 055 634 88 31
