Xəbər verdiyimiz kimi, Prezident İlham Əliyevin sərəncamı ilə Sərdar Süleyman oğlu Səfərov Azərbaycan Respublikası Strateji Obyektlərin Mühafizəsi Dövlət Agentliyinin rəisi təyin edilib.
Musavat.com Sərdar Səfərovun dosyesini təqdim edir:
Sərdar Səfərov 1973-cü ildə Sumqayıtda anadan olub. Dövlət Bədən Tərbiyəsi İnstitutunu, Türkiyə Jandarma Zabitlər Məktəbini və Daxili İşlər Nazirliyinin Polis Akademiyasını bitirib.
1996-2005-ci illərdə Daxili Qoşunların xüsusi təyinatlı dəstəsinin komandiri və xüsusi təyinatlı taborunun qərargah rəisi vəzifələrində çalışıb.
2019-2022-ci illərdə Bakı Şəhər Baş Polis İdarəsinin İctimai Təhlükəsizlik İdarəsinin rəis müavini və idarə rəisi vəzifələrində çalışıb. Daha sonra rəis müavini təyin edilib.
2023-cü ilin yanvar ayından Daxili İşlər Nazirliyinin İctimai Təhlükəsizlik Baş İdarəsinin rəisi vəzifəsinə təyin edilib.
2023-cü ilin oktyabrında Sərdar Səfərov Xankəndi şəhərinin komendantı təyin edilib. “Hərbi xidmətlərə görə”, “İgidliyə görə”, “Vətən uğrunda” medalları ilə təltif edilib.
Mətbuat sabiq başçı İlqar Abbasovun işdən çıxarılmasının səbəbini də açıqlayıb.
“Unikal” yazır ki, İlqar Abbasovun işdən çıxarılmasına səbəb onun bəzən qeyri-etik ifadələr işlətdiyi əməkdaşlarla son dərəcə kobud rəftar etməsi olub.
İlqar Abbasovun millət vəkili Səttar Möhbalıyevin oğlu İsfəndiyar Möhbalıyevlə və oktyabrın 15-də işdən çıxarılan birinci müavini İsmayıl Hüseynovla da problemləri olub.
Musavat.com
