ABŞ-ın Kaliforniya ştatında Sahil Mühafizəsi bazasının girişi yaxınlığında şübhəli şəkildə hərəkət edən yük maşınına atəş açılması nəticəsində üç mülki şəxs yaralanıb.
CBS News-un məlumatına görə, Kaliforniyanın Alameda şəhərindəki bazanın qarşısında daxili immiqrasiya təcrübələrinə qarşı etiraz aksiyası keçirilib.

Etiraz zamanı U-Haul markalı yük maşını baza girişinə doğru geri hərəkət edərkən görünüb.

Hüquq-mühafizə orqanlarının əməkdaşları sürücünün dayanmamasından sonra yük maşınına atəş açıblar.


Tərk edilmiş yük maşınında çoxsaylı güllə dəlikləri tapılıb. Sürücünün qarnından yaralandığı və xəstəxanaya aparıldığı bildirilir. O, ruhi sağlamlıq müayinəsi üçün həbs edilib.

Təxminən 20-30 atəş açılıb.
Baza girişində baş verən hadisədən sonra etirazçıların əsasən dağılışdığı müşahidə edilib.

Şahid Rik Villaroman deyib: "O, qaz pedalına basıb onlara tərəf sürətləndi. Elə bu zaman onlar atəş açdılar. Onlar təxminən 20-30 atəş açdılar. U-Haul-un sürücüsü geri döndü, nəqliyyat vasitəsini bu küçədə saxladı və uzaqlaşdı."

FTB: "Hadisə təcrid olunmuş bir hadisə kimi görünür"
ABŞ Daxili Təhlükəsizlik Departamentinin ABŞ-da yerləşən X şirkətinin sosial media hesabında yayımladığı açıqlamaya görə, hadisədə daha iki mülki şəxs yaralanıb.

Sürücünün dayanmaq üçün bir neçə şifahi əmrə tabe olmadığı və "sürətli və yüksək sürətlə (baza girişinə doğru) geri döndüyü" bildirilib.

ABŞ Federal Təhqiqat Bürosu (FTB) hadisə ilə bağlı araşdırmaya başlayıb.

FTB-nin San-Fransisko sözçüsü Kameron Polan deyib: "Bu hadisə təcrid olunmuş bir hadisə kimi görünür və ictimaiyyət üçün məlum bir təhlükə yoxdur."

aia.az
Tərcümə şöbəsi

• Atəş
• Yük Maşını
• Sahil Mühafizəsi