Musiqi və İncəsənət Mərkəzinin müəllimi iş yerində ölüb.
Xezerxeber.az xəbər verir ki, hadisə ötən gün Ağstafada baş verib.
Məktəbdə Fortepiano müəllimi işləyən 41 yaşlı Günel Hüseynova işdə olduğu vaxt səhhəti pisləşib. O, təcili tibbi yardım maşını ilə Ağstafa Rayon Mərkəzi Xəstəxanasına çatdırılsa da, həyatını xilas etmək mümkün olmayıb.
İş yoldaşlarının sözlərinə görə, Günel Hüseynova indiyədək səhhətindən şikayət etməyib.
Meyitin müayinəsi zamanı xəsarət izi aşkar olunmayıb. Faktla bağlı araşdırma aparılır.
Xezerxeber.az mövzu ilə bağlı daha ətraflı videomaterialı təqdim edir.
