İtaliya millisinin sabiq futbolçusu Fabritsio Ravanelli cari A Seriyası mövsümündə qızıl medallar uğrunda mübarizə barədə fikirlərini açıqlayıb.
Sportinfo.az “Corriere dello Sport”-a istinadən xəbər verir ki, o, çempionluq yarışında favoritlərin “Milan”la “İnter”in olduğunu, “Yuventus”un isə bu mübarizədə hələ bir-iki il vaxta ehtiyac duyduğunu hesab edir:
“Milan” və “İnter” skudetto uğrunda sonadək mübarizə aparacaq. “Yuventus”a vaxt lazımdır, onlar hələ belə komandalarla rəqabət apara bilməzlər.
Rəhbərliyə sakit işləmək imkanı vermək lazımdır”.
“Milan” hazırda İtaliya çempionatında 17 xalla turnir cədvəlinin 1-ci, “İnter” isə 15 xalla 2-ci pilləsində qərarlaşıb. “Yuventus” 12 xalla yeddincidir.
