Belarus Prezidenti Aleksandr Lukaşenko əbədi bitərəflik prinsipi əsasında qurulmuş müasir dövlətçiliyin 70 illiyi münasibətilə Avstriya xalqına təbrik müraciətində avstriyalıları keçmişin dramatik dərslərini xatırlamağa çağırıb.
Busaat.az bu barədə “BELTA” agentliyi məlumat yayıb.
“Bu gün qlobal birliyin sülh və təhlükəsizliyə qarşı yeni çağırışlarla üzləşdiyi bir vaxtda tarixin qəhrəmanlıq səhifələrini və keçmişin dramatik dərslərini xatırlamaq çox vacibdir”, – Lukaşenko vurğulayıb.
Lukaşenko əlavə edib ki, ölkələr arasında möhkəm əlaqələr və iqtisadiyyat, mədəniyyət və elm sahələrində səmərəli əməkdaşlıq sabitlik və inkişafın əsasıdır. Prezident əlavə edib ki, Belarus dünyanın bütün ölkələri ilə belə əlaqələr yaratmağa çalışır.
Bundan əvvəl Avstriyanın keçmiş xarici işlər naziri Karin Knaysl İsveçrə və Avstriyanın faktiki olaraq neytrallığını itirdiyini bəyan etmişdi. Diplomat xatırladıb ki, Vyananın neytral statusunu itirməsi NATO silahlarının Ukrayna Silahlı Qüvvələrinin ehtiyacları üçün respublika ərazisindən tranziti ilə bağlıdır.
Yeganə
