“Real” klubunun hücumçusu Endrik qış transfer pəncərəsində komandasını dəyişmək niyyətindədir.
Publika.az xəbər verir ki, bu barədə “Sky Sports” məlumat yayıb.
Mənbənin məlumatına görə, 19 yaşlı braziliyalı futbolçu baş məşqçi Xabi Alonsonun planlarında yer almır və cari mövsümdə əsas komandanın heyətində hələ bir dəqiqə də oynamayıb.
O, mövcud vəziyyətindən narazıdır və icarəyə keçid variantını nəzərdən keçirir. “Real” isə futbolçunun karyerasını Bundensliqa klublarından birində davam etdirməsi ehtimalını istisna etmir.
