BAKI, 27 oktyabr. TELEQRAF
Almaniya 2026-cı ildə silahlı qüvvələrin bütün bölmələri üçün silah və avadanlıqların alınmasına 377 milyard avro xərcləməyi planlaşdırır.
Teleqraf xəbər verir ki, bu barədə “Politico” məlumat yayıb.
Plana əsasən, Bundesver 2026-cı ildə təxminən 320 silah və hərbi texnikanın inkişafı layihəsinə başlamağı planlaşdırır. Artıq 178 layihə üçün podratçılar seçilib, onlardan 160-ı alman şirkətləri ilə bağlıdır, qalanları hələ də nəzərdən keçirilir.
2035-ci ilə qədər Alman Ordusunun 687 “Puma” piyada döyüş maşını (IFVs) və 561 “Skyranger” dron əleyhinə sistemi alacağı gözlənilir. “Rheinmetall” əsas podratçıdır, ikinci yerdə 17,3 milyard avro dəyərində 21 tenderdə iştirak edən “Diehl Defence” gəlir. Bundan əlavə, 14 milyard avrodan çox başa gələcək və yeni peyklərin yaradılması və yerüstü avadanlıqların modernləşdirilməsini əhatə edən peyk proqramını genişləndirmək planları davam edir.
Plana əsasən, Almaniya ABŞ-nin “Lockheed Martin” şirkətindən 2,5 milyard avroya 15 ədəd F-35 təyyarəsi almağı planlaşdırır. Ölkə həmçinin ABŞ-dən 1,15 milyard avroya təxminən 400 “Tomahawk Block Vb” raketi və 220 milyon avroya üç “Lockheed Martin Typhon” buraxılış qurğusu almağı planlaşdırır.
Satınalmaların çoxu 2026-cı ildə tamamlanacaq.
