“Hər səkkiz qadından biri bu xəstəliyə tutulur”.
Redaktor.az xəbər verir ki, bu fikirləri TƏBİB-in təşkilatçılığı ilə “Xərçəngdən Güclüsən” adlı tədbirdə TƏBİB-in İcraçı direktorunun müavini Anar İsrafilov bildirdi.
Onun sözlərinə görə, hər il minlərlə qadın bu vəziyyətlə üzləşir və vaxtında tədbir gördükdə öz həyatlarını dəyişə bilirlər:
“Lakin xəstəlik vaxtında nəzarət altına alınmazsa, ciddi nəticələrə səbəb ola bilər. Ümumdünya Səhiyyə Təşkilatının məlumatına görə, qadınlar vaxtında müalicəyə cəlb olunduqda, beşillik müalicədən sonra yaşamaq şansı 90-95% təşkil edir. Bu, çox böyük göstəricidir və biz hamımız bu rəqəmlərin daha da yüksəlməsi üçün mübarizə aparmalıyıq”.
Nuriyyə NATİQQIZI
