Tbilisidə avtomobil oğurluğu ilə məşğul olan dəstə saxlanılıb.
İnterpress.az xəbər verir ki, bu barədə gürcü mediası məlumat yayıb.
Gürcüstan Daxili İşlər Nazirliyi avtomobil oğurluğunda şübhəli bilinən 19-23 yaşlı beş nəfəri saxlayıb.
Onların oktyabr ayında Köhnə Tbilisi, Vake-Saburtalo və Didube-Çuqureti rayonlarında 43 avtomobilin şüşəsini sındıraraq şəxsi əşyalar və pul oğurladıqları müəyyən edilib.
Şübhəliləri 3 ildən 7 ilədək həbs cəzası gözləyir.
Xuraman Etibarlı
İnterpress.az
