Qəbələ, 27 oktyabr, AZƏRTAC
Oktyabrın 27-də Qəbələ rayonunda 1 nəfərin ölümü ilə nəticələnən yol-nəqliyyat hadisəsi qeydə alınıb.
AZƏRTAC-ın bölgə müxbirinin məlumatına əsasən, Qəbələ şəhəri ərazisində İlham Balakişiyev idarə etdiyi “VAZ-2107” markalı avtomobillə yolu keçən piyada, 74 yaşlı Vəzuhə Əzməmmədovanı vurub.
Nəticədə qadın aldığı xəsarətlərdən hadisə yerində ölüb.
Faktla bağlı cinayət işi başlanılıb, istintaq aparılır.
