"Instagram" istifadəçilərin keçmişdə izlədikləri Reels videolarını tapmasını asanlaşdıran “Baxış Tarixçəsi” funksiyasını təqdim edib.
Missiya.Az xəbər verir ki, yeni funksiya artıq bütün istifadəçilər üçün əlçatandır.
"İnstagram"ın rəhbəri Adam Mosseri bildirib ki, istifadəçilər profil parametrlərindən “Fəaliyyətiniz” bölməsinə daxil olaraq baxdıqları videoların siyahısını görə biləcəklər. Əvvəl yalnız “Yadda saxlanıldı”, “Bəyəndilər” və ya “Paylaşıldılar” bölmələrindən keçmiş videolara baxmaq mümkün idi.
Funksiya həmçinin filtrləmə və çeşidləmə imkanları təqdim edir: videolar tarixə, paylaşılan hesaba və ya yenilik səviyyəsinə görə seçilə bilər. Yeni xüsusiyyət Reels alqoritminin avtomatik yenilənməsi səbəbindən yaranan problemləri də aradan qaldırmağa kömək edəcək.
Seyranə QuliyevaMissiya.Az
