Ermənistanla Azərbaycan arasında sülhün bərqərar olması dönüş nöqtəsidir.
Yenisabah.az armenpress-ə istinadla xəbər verir ki, bunu Ermənistan XİN-in rəhbəri Ararat Mirzoyan bildirib.
Nazir xatırladıb ki, avqustun 8-də Vaşinqtonda Ermənistanın baş naziri, Azərbaycan prezidenti və ABŞ prezidentinin iştirakı ilə bəyannamə imzalanıb və sülh sazişi paraflanıb: pizza mizza
"Əminliklə avqustun 8-də baş verənləri dönüş nöqtəsi adlandıra bilərəm, bundan əvvəl aparılan işləri və aparılan danışıqları azaltmadan. Bütün bunlar avqustun 8-nə gətirib çıxardı və həmin gün Vaşinqtonda baş verənlər dönüş nöqtəsi və gələcək işlər üçün təməl daşı oldu".
Mirzoyanın sözlərinə görə, sənəddə bir-birinin daxili işlərinə qarışmamaq, sərhədlərin toxunulmazlığı, regionda əməkdaşlıq prinsipləri də öz əksini tapıb:
"Bu mətnin dərcini həm də o mənada çox vacib hesab edirəm ki, saziş ətrafında gedən manipulyasiyalar hamımızın yadında qalacaq: Konstitusiyaya düzəlişlər, kütləvi deportasiyalar və s. Şükürlər olsun ki, sənəd açıqdır, ictimaidir və görürük ki, orada nəinki heç bir manipulyasiya yoxdur, hətta ən ucqar işarəsi belə yoxdur".
Telegram kanalımız
