ain.az bildirir, Konkret.az saytına əsaslanaraq.
Fələstin HƏMAS hərəkatı Misir xilasetmə qrupuna Qəzza zolağında öldürülən girovların cəsədlərinin yeri barədə məlumat verib.
KONKRET.az bildirir ki, bu barədə “Əl-Ərəbiyyə” telekanalı xəbər yayıb.
Mənbələrə görə, hərəkat Misir xilasetmə qrupuna Qəzza zolağında öldürülən İsrail girovlarının cəsədlərinin ehtimal olunan yeri barədə məlumat verib. Lakin cəsədlərin sayı haqda heç bir məlumat açıqlanmayıb.
HƏMAS sözçüsü qeyd edib ki, cəsədlərin çıxarılması əməliyyatının başa çatmasında əsas maneə ixtisaslaşmış avadanlıqların olmamasıdır.
Daha əvvəl Misir xilasediciləri və hərbi mütəxəssislərdən ibarət bir qrup axtarış-xilasetmə əməliyyatında iştirak üçün Qəzzaya daxil olub. Cəsədləri çıxarmaqla yanaşı, mütəxəssislər iki illik münaqişədən qalan partlamamış hərbi sursatları (PHS) da təmizləyirlər. Qrupun ölçüsü və konkret avadanlıq növü açıqlanmır, lakin qeyd olunur ki, missiya İsrail və ABŞ ilə sıx əlaqələndirmə şəraitində həyata keçirilir.
Müşviq Tofiqoğlu
KONKRET.az
Daha ətraflı məlumat və yeniliklər üçün ain.az saytını izləyin.
