Ermənistanın baş naziri Nikol Paşinyanın həyat yoldaşının saç ustası Anna Hakobyanın həyat yoldaşı Robert Tamaryan "Yerevan-Kentron" Penitensiar Müəssisəsinin rəisi vəzifəsinə təyin edilib.
Teleqraf "Sputnik Armenia"-ya istinadən xəbər verir ki, ədliyyə polkovnik-leytenantı olan Robert Tamaryan bu ilin may ayının 8-də "Məhkumlar üçün Xəstəxana" cəzaçəkmə müəssisəsinin rəisi, oktyabrın 15-də isə "Yerevan-Kentron" cəzaçəkmə müəssisəsinin rəisi təyin edilib.
Qeyd etmək lazımdır ki, müxtəlif cinayət işlərində təqsirləndirilən arxiyepiskoplar Baqrat Qalstanyan və Mikael Ajapaxyan, eləcə də Taşir Şirkətlər Qrupunun rəhbəri Samvel Karapetyan Yerevan-Kentron Həbsxanasında saxlanılırlar. Bütün bu işlər Ermənistanda siyasi motivli hesab olunur, baxmayaraq ki, hakimiyyət orqanları bunu inkar edir.
