“Neftçi”nin sabiq forvardı, hazırda İspaniyanın aşağı liqasında “Moskardo” klubunda çıxış edən Daniel Seqovia Apasport.az saytına müsahibə verib.
- “Qarabağ” 4 gün əvvəl “Atletik”lə qarşılaşdı. Matçı izləyə bildin?
- Bəli, oyuna baxdım. Maraqlı görüş idi. Həqiqətən də gərgin oyun alındı. Hər iki tərəf maraqlı hücumlar edirdi.
- İspaniyada insanlar “Qarabağ” və Azərbaycan futbolu haqqında nə düşünürlər?
- Ümumiyyətlə, İspaniyada insanların Azərbaycan futbolunun səviyyəsindən xəbəri və təsəvvürü yoxdur.
- Ümumiyyətlə, Azərbaycan futbolunu, “Qarabağ” və “Neftçi”ni izləyirsən?
- Əlbəttə ki, baxıram. Ancaq xüsusən də “Neftçi”ni izləyirəm. Daim nəticələrə nəzər salıram, baş verənlərə diqqət yetirirəm.
- Səncə, nəyə görə “Qarabağ” hər mövsüm avrokuboklarda oynayır, “Neftçi” isə yox?
- Çünki mənə görə, “Qarabağ” hər mövsüm “Neftçi”dən daha çox vəsait yatırır. Bu, şəxsən mənim fikrimdir. Hər halda, belə görünür.
- Maraqlıdır, “Neftçi”dəki karyeranı necə xatırlayırsan? Komandada uzun müddət qala bilərdin?
- Əlbəttə, mən uzun müddət “Neftçi”də qalmağı çox istəyərdim. Amma bu, mümkünsüz idi. Hər halda, gördüyüm bu idi. Çünki həmin vaxt baş məşqçi məni bəyənmirdi.
- Bəs “Neftçi”dən ayrıldıqdan sonra Azərbaycana geri qayıtmaq şansın, variantın oldumu?
- Xeyr. Azərbaycana geri qayıtmaq variantım yox idi. Amma düzünü deyim, bunu çox istəyərdim. Təəssüf ki, alınmadı.
- Hazırda karyeranı davam etdirirsən. Daha uzun illər oynamağı planlaşdırırsan?
- Hazırda 40 yaşım var. Planlarımı ildən-ilə qururam. Hələlik futbol oynayıram və komandama kömək etməyə çalışıram.
Gənclər Liqasında V turun oyunları keçirilib
Millimizdən növbəti qələbə
Sənan Abdullayev: "Bu bizim üçün də, qarşı tərəf üçün də önəmlidir"
14 il sonra ilk dəfə: Azərbaycan Kuboku üçün yeni sponsor
Millimizin VI İslam Həmrəyliyi Oyunlarında keçirəcəyi matçların təqvimi müəyyənləşib
