ain.az, GlobalInfo portalına istinadən məlumat yayır.
Mirzoyan Rusiyanı Avrasiya İqtisadi Birliyinin qaydalarını pozmaqda və Ermənistana təzyiq göstərməkdə ittiham edib.
Globalinfo.az-ın xəbərinə görə, o bildirib ki, Rusiya tərəfindən xarici vətəndaşlar üçün müəyyən edilən 90 günlük qalma tələbi Avrasiya İqtisadi Birliyinin (AİB) qaydalarına ziddir.
Mirzoyanın sözlərinə görə, bu məsələ hazırda Rusiya tərəfi ilə müzakirə olunur. Çünki bu, təkcə Ermənistanın deyil, həm də digər Birlik üzvlərinin maraqlarına təsir göstərir.
Nazir vurğulayıb ki, Rusiya bunu qəsdən törədir və Ermənistana siyasi mövqeyini dəyişdirmək üçün təzyiq göstərməyə çalışır.
“Əgər belədirsə, bu cür siyasətin gələcəyi yoxdur. Çünki biz tərəfdaşlarımızla münasibətləri inkişaf etdirməyə hazırıq, amma suverenliyimiz bahasına buna gedən deyilik”, – Mirzoyan vurğulayıb.
Əliyar Xəlil
Globalinfo.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
