TASS-ın məlumatına görə, Türkiyə Prezidenti Rəcəb Tayyib Ərdoğan və Böyük Britaniyanın Baş naziri Keir Starmer Eurofighter qırıcı təyyarələri üzrə əməkdaşlıq memorandumu imzaladılar.
"Nümayəndə heyətlərinin danışıqları zamanı Eurofighter Typhoon qırıcı təyyarələrinin alınması ilə bağlı müqavilələr imzalandı. Cənab Baş nazir və mən sizin iştirakınızla bu məsələ ilə bağlı əməkdaşlıq bəyannaməsi imzaladıq", - deyə Ərdoğan Böyük Britaniyanın baş naziri ilə danışıqlardan sonra keçirilən mətbuat konfransında bildirib.
Siyasətçi qeyd edib ki, Türkiyə və Böyük Britaniya iki yaxın müttəfiqdir və buna görə də Türkiyə tərəfi imzalanan müqavilələri ölkələr arasında strateji münasibətlərin yeni simvolu kimi görür.
"Cənab Starmerə və onun komandasına Böyük Britaniyanın Eurofighter konsorsiumu adından gördüyü işə görə təşəkkür edirəm. Həmçinin konsorsium üzv ölkələrinin digər liderlərinə konstruktiv mövqelərinə görə minnətdarlığımı bildirirəm", - deyə Ərdoğan bildirib.
Əziz Mustafa
