Hurriyyet.az xəbər verir ki, Ukrayna 250 müasir döyüş təyyarəsindən ibarət donanma yaradır.
Ukrayna hərbi aviasiyanın genişmiqyaslı inkişaf proqramını hazırlayıb. Ukrayna Prezidenti Vladimir Zelensky bildirib ki, məqsəd "F-16", "Gripen" və "Rafale" qırıcıları da daxil olmaqla 250 müasir təyyarədən ibarət donanma qurmaqdır.
Zelenski jurnalistlərlə görüşündə deyib: "Biz İsveç, Fransa və ABŞ ilə paralel şəkildə danışıqlar aparırıq. Ümumi tələb — 250 yeni təyyarədən ibarət donanmadır. Bu, bizim gələcəyimizdir".
Prezidentin sözlərinə görə, belə bir donanmanın yaradılması ölkənin hərbi aviasiyasının modernləşdirilməsi üçün təməl olacaq və qarşıdakı illərdə onun təhlükəsizliyini təmin edəcək.
Hürr Tərcüman
