“Rusiyanın bizə Ermənistanı necə xilas etməyi göstərəcəyinə imkan verməyəcəyik, bizdə kifayət qədər xilaskar var, erməni xalqı Ermənistan xaricində xilaskarlara ehtiyac duymur.”
Bizim.Media erməni mətbuatına istinadən xəbər verir ki, bu sözləri Ermənistan Parlamentinin Xarici Əlaqələr üzrə Daimi Komissiyasının sədri, hakim “Vətəndaş Müqaviləsi” partiyasından deputat Sarkis Xandanyan 12-ci plenar sessiyada söyləyib.
Deputat əlavə edib ki, vəziyyət dəyişib və Ermənistanla Azərbaycan arasında çox həssas bir sülh təmin olunub. Xandanyan vurğulayıb ki, bu sülhü möhkəm etmək üçün əlimizdən gələni etməliyik.
Onun qənaətinə görə, kommunikasiya xətlərinin açılması və TRIPP layihəsinin həyata keçirilməsi yalnız Ermənistanı deyil, həm də Mərkəzi Asiyanı da AB-yə yaxınlaşdıracaq.
“Bu, regionda təhlükəsizliyin dəyərli zəmanətidir,” — deyə Xandanyan yekunlaşdırıb.
Bizim.Media
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
