Azərbaycan Prezidenti İlham Əliyevin sərəncamı ilə general-mayor İlqar Rza oğlu Abbasov Strateji Obyektlərin Mühafizəsi Dövlət Agentliyinin rəisi vəzifəsindən azad edilməsindən sonra yeni detallar üzə çıxmaqdadır.
Xəbəri Oxu24.com yayıb. Məlumata görə, İlqar Abbasovun prokurorluq və digər dövlət qurumlarında vəzifədən-vəzifəyə durmadan sıçrayışı Ramiz Mehdiyevin çətiri altında olduğu üçün baş verirmiş.
Sayt xəbər verir ki, ilk ali təhsilini fəaliyyəti dayandırılmış Azərbaycan Beynəlxalq Universitetində – testdən kənar yollarla qəbul olunmaqla alan İlqar Abbasov vəzifə başında özünü məmura yaraşmayan formada aparırmış.
Tabeçiliyində olan şəxsləri söyüb, təhqir edir, qeyri-etik davranış sərgiləməklə aşağılayırmış.
Mehdiyevin əlaltısı kimi tanınan İlqar Abbasovun Bakı şəhərində və onun ətraf qəsəblərində çoxlusayda ticarət və iaşə obyektlərinin olduğu bildirilib.
Həmin obyektlərin İlqar Abbasovun qayınatasının rəhbərliyi ilə idarə olunduğu deyilir.
Bildirilir ki, İlqar Abbasov Baş Prokurorluq Yanında Korrupsiyaya qarşı Mübarizə Baş İdarəsində rəis müavini olarkən əməkdaşları özünə məxsus Ayna Sultanova heykəlinin ətrafında yerləşən “Qızılgül” restoranında nahar etməyə sövq edirmiş…
