Bol C vitamini, lif və antioksidantlarla zəngin olan naringi orqanizmi gücləndirir, xüsusilə soyuq aylarda immun sisteminin əsas dəstəkçisidir.
Pravda.az bildirir ki, qış mövsümündə naringi bədəni infeksiyalardan qoruyan ən təbii vasitələrdən biridir. C vitamini sayəsində orqanizmin müdafiə mexanizmini aktivləşdirir, eyni zamanda dərinin parlaqlığını və elastikliyini qoruyur.
Naringi həm də az kalorili və liflə zəngin meyvə olduğundan, həzmi asanlaşdırır və toxluq hissi yaradır. Bu xüsusiyyətinə görə pəhriz menyularında da tez-tez yer alır.
Mütəxəssislər qeyd edirlər ki, naringinin qabığında olan təbii yağlar və bioaktiv maddələr də sağlamlıq üçün faydalıdır. Ona görə meyvəni qabığını soyarkən tamamilə sıyırmaq yerinə, az miqdarda ağ lifləri saxlamaq tövsiyə olunur.
Qısacası, qış aylarında naringi həm immuniteti gücləndirən, həm də enerjini artıran ən təbii və dadlı vasitədir.
Əminə Bayramova
