“Maklaren” pilotu Lando Norris Meksika Qran-Prisindən sonra müsahibəsində mövsümün əvvəlində öz bacarıqlarına inamda şübhələr yaşadığını etiraf edib.
90deqiqe.Az xəbər verir ki, "Sky Sports" 25 yaşlı pilotun dediklərini belə çatdırıb.
“Mən heç vaxt özümə şübhə etməmişəm deyəndə, bu doğru deyil. Mövsümün əvvəlində əlbəttə ki, şübhələrim var idi. Heç vaxt maşını günahlandırmaq istəmirəm, amma bolid yaxşı çıxış edərkən, Oscar qalib gələndə, deyə biləcəyim son şey maşının yetərincə yaxşı olmadığı idi. Sadəcə ona uyğunlaşa bilmirdim, onu işlətməyin yolunu tapa bilmirdim. İndi isə bu yolu tapıram.
Son aylarda vəziyyət yaxşıdır, amma Maks hələ də yaxındadır. Mən möhtəşəm həftəsonu keçirdim, amma Maks də son aylarda inkişaf edib, buna görə işləməyə davam etməliyəm.”
