“Lill”in mərkəz yarımmüdafiəçisi Ayub Buaddi Avropanın aparıcı klublarının radarına düşüb.
90deqiqe.Az-ın məlumatına görə, son həftələrdə “Lill”in oyunlarını “Yuventus”un skautları izləyib və gənc futbolçunun çıxışını qiymətləndiriblər. Turin təmsilçisi artıq futbolçunun agenti ilə danışıqlara başlayıb və qış transfer pəncərəsi zamanı oyunçunun keçidini həll etmək niyyətindədir.
Eyni zamanda, “Arsenal”, PSJ və “Borussiya Dortmund” da 18 yaşlı futbolçunun xidmətində maraqlıdılar.
Cari mövsümdə Buaddi bütün turnirlərdə 12 matça çıxıb və məhsuldar göstərici ilə yadda qalmayıb. Onun “Lill” ilə müqaviləsi 2027-ci ilə qədərdir. Transfermarkt-ın qiymətləndirməsinə görə, futbolçunun bazar dəyəri 30 milyon avrodur.
