GlobalInfo portalından əldə olunan məlumata əsasən, ain.az xəbər verir.
Macarıstanın xarici işlər naziri Peter Siyarto Avropada sülhün təmin olunmasının əsas şərtinin ABŞ və Rusiya arasında hərtərəfli razılaşma olduğunu bəyan edib.
Globalinfo.az xəbər verir ki, Belarusun “Perviy Informatsionny” telekanalına müsahibə verən Siyarto Qərbin siyasi ritorikasına baxmayaraq, real sabitlik yalnız iki nüvə gücünün – Vaşinqton və Moskvanın birbaşa dialoqu nəticəsində mümkün olacağını bildirib.
“Əgər ABŞ və Rusiya arasında qarşılıqlı anlaşma əldə olunmasa, Avropada sülh sadəcə mümkün olmayacaq”, – Siyarto vurğulayıb.
Nazir həmçinin, Donald Trampın yenidən seçilməsi halında onun təxribatlara baxmayaraq, Moskva ilə dialoqa girmək üçün kifayət qədər iradə və mətanət göstərəcəyinə ümid etdiyini deyib.
Siyarto xatırladıb ki, Macarıstan uzun müddətdir öz paytaxtı Budapeşti Rusiya ilə Qərb arasında dialoq mərkəzi kimi təqdim edir. Onun sözlərinə görə, bu təşəbbüs hələ də qüvvədədir.
Tahir Turan
Globalinfo.az
Ən son xəbərləri və yenilikləri almaq üçün ain.az saytını izləyin.
