ABŞ Senatı Tramp administrasiyası tərəfindən Braziliyaya tətbiq edilən 50 faizlik tariflərin aradan qaldırılmasını nəzərdə tutan qanun layihəsini dəstəkləyib.
Musavat.com xəbər verir ki, Konqresin yuxarı palatasının 52 üzvü, o cümlədən hazırkı prezidentin partiyasının beş respublikaçı üzvü, senator Tim Keynin (Virciniya ştatından Demokrat) təklif etdiyi qanun layihəsinin lehinə səs verib. Respublikaçıların nəzarətində olan Senatın 48 üzvü qanun layihəsinə qarşı çıxıb.
"The Hill" qəzeti qeyd edir ki, qanun layihəsinə səsvermə əsasən simvolik xarakterlidir və Trampın partiya üzvlərinin hazırkı ABŞ administrasiyasının ticarət siyasətinə qarşı çıxdığını nümayiş etdirmək məqsədi daşıyır. Nəşr vurğulayır ki, Senatdan sonra qanun layihəsi Respublikaçılar Partiyasının nəzarətində olan Nümayəndələr Palatasında səsverməyə çıxarılmalıdır, lakin bunun baş verməsi ehtimalı azdır. Bundan əlavə, qanun layihəsi Konqresin hər iki palatasında qəbul olunsa belə, Tramp çox güman ki, ona veto qoyacaq.
Musavat.com
