“Yuventus” yaxın günlərdə Luçano Spallettinin baş məşqçi təyin olunduğunu açıqlayacaq.
İdmanxeber.az xəbər verir ki, Turin klubu 66 yaşlı mütəxəssislə mövsümün sonunadək müqavilə imzalayıb. Komanda Çempionlar Liqasına vəsiqə qazandığı halda anlaşma 2027-ci ilə qədər uzadılacaq.
Spalletti sabah ilk məşqini keçirəcək, komandanın onun rəhbərliyi altında ilk oyunu isə noyabrın 1-də “Kremoneze”yə qarşı olacaq.
Qeyd edək ki, “Yuventus”un keçmiş baş məşqçisi İqor Tudor zəif nəticələrə görə vəzifəsindən uzaqlaşdırılmışdı.
