“Açıq şəkildə bəyan edirik ki, Taliban rejimini məhv etmək və ya onları mağaralarda gizlənməyə məcbur etmək üçün Pakistanın bütün gücünü istifadə etməyə ümumiyyətlə ehtiyacı yoxdur”.
Yeniavaz.com xəbər verir ki, bunu Pakistanın müdafiə naziri Xavaca Asif özünün “X” hesabında yazıb.
O bildirib ki, Pakistan sülhün bərqərar olunması məqsədilə Əfqanıstanın danışıqlar barədə xahişini qəbul etsə də, Taliban rəsmilərinin zəhərli bəyanatları bunun müsbət nəticələnməsinə imkan verməyib.
“Bununla belə, əgər Taliban rejimi istəsə, Tora Borada baş vermiş keçmiş məğlubiyyət səhnələrini — orada qorxu içində qaçdıqları anları — yenidən görmək şübhəsiz ki, dünya üçün yeni və maraqlı bir mənzərə olardı.
Təəssüf ki, Taliban rejimi yalnız işğalçılıq hakimiyyətini qorumaq və müharibə iqtisadiyyatını xilas etmək məqsədilə Əfqanıstanı daha bir münaqişəyə sürükləyir. Öz zəifliyini və müharibə bəyanatlarının boş mahiyyətini yaxşı bildikləri halda onlar savaş davullarını çalaraq görünüşcə əfqan xalqı qarşısında pisləşən nüfuzlarını xilas etmək üçün uğursuz cəhd edirlər.
Əgər Taliban yenə də Əfqanıstanı və onun günahsız xalqını məhv etməkdə inadkardırsa, o zaman nə olacaqsa, olsun.
Pakistan Taliban döyüşçülərinə xəbərdarlıq edir ki, şəxsi mənfəətləri üçün regionda sabitliyi pozmaq istiqamətində gördükləri işlərlə onlar bəlkə də Pakistaniyanın əzmini və qətiyyətini yanlış qiymətləndiriblər.
Əgər Taliban rejimi döyüşə cəhd edərsə, dünya görəcək ki, onların təhdidləri yalnız göstərişdən ibarətdir.
Pakistan öz ərazisində hər hansı terror aktını və ya intiharçı hücumunu dözməyəcək və hər hansı bir avantüraya sərt və kəskin cavab veriləcək.
Taliban rejimi öz sonunu nəzərə almalıdır, çünki Pakistanın əzmini və qabiliyyətlərini sınamaq onlar üçün çox baha başa gələcək”, - X. Asif bildirib.