Bizimyol saytından verilən məlumata görə, ain.az xəbər verir.
Mühafizəkar Portuqaliya hökuməti Portuqaliya vətəndaşlığını almaq üçün tələbləri sərtləşdirəcək islahat barədə sağçılarla razılığa gəlib.
Bizimyol.info xəbər verir ki, bu barədə "El País" qəzeti məlumat verib.
Qəzetin məlumatına görə, dəyişikliklər yerli vətəndaşlıq üçün müraciətlərin gözləmə müddətini artırır, dil və mədəni bilik testlərini tətbiq edir. Həmçinin Portuqaliya vətəndaşlığına müraciət edənlərin müraciət zamanı dövlət yardımı almamalarını tələb edir. Dəyişikliklərdə qeyd edilir ki, onlar, eləcə də ölkədə özlərini dolandıra biləcək maliyyə imkanlarına malik olduqlarını sübut edə bilməlidirlər.
Bundan əlavə, məhkəmənin cinayət törətdiklərinə görə əlavə cəza olaraq əcnəbilər üçün Portuqaliya vətəndaşlığını ləğv etməsinə imkan verən Cinayət Məcəlləsinə düzəlişlər edilir. İslahat həmçinin Sefard yəhudiləri üçün yerli pasport almaq üçün xüsusi rejimi ləğv edir.
Lakin sağçılar ağır cinayətlərdə məhkum edilmiş şəxslərin vətəndaşlığının avtomatik ləğvi barədə hökumətlə razılığa gələ bilməyib. Bu təşəbbüslər indi Respublika Prezidenti Marselo Rebelo de Souzaya təqdim edilməlidir, o da qanunu qəbul edə, veto qoya və ya baxılması üçün Konstitusiya Məhkəməsinə göndərə bilər.
Qadir, Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
