“Real”ın ulduzu Vinisius Junior bu həftə ilk dəfə xoş xəbərlə gündəmə gəlib.
Publika.az xəbər verir ki, braziliyalı hücumçu keçmiş sevgilisi ilə barışıb.
Model və bloqer Virciniya Fonseka gözlənilmədən Vinisiusla münasibətlərini bərpa etdiklərini açıqlayıb. Bu, bir neçə ay əvvəl böyük səs-küyə səbəb olan qalmaqaldan sonra baş verib.
Əvvəllər mətbuatda yayılan məlumatlara görə, cütlük futbolçunun digər qadınlarla yazışmalarını Virciniyanın təsadüfən görməsi səbəbindən ayrılmışdı. Hadisədən sonra Fonseka bütün birgə şəkilləri silmiş və zəhərli münasibətlərdən azad olmaq istədiyini demişdi.
Lakin görünür, ehtiras incikliyi üstələyib. Dünən Fonseka sosial şəbəkədə futbolçu ilə birlikdə çəkilmiş foto və videolar paylaşıb. Məlum olub ki, Vinisius sevgilisinə lüks otel nömrəsində romantik sürpriz hazırlayıb.
