Microsoft və ChatGPT platformasının yaradıcısı OpenAI arasında 500 milyard dollar dəyərində yeni strateji əməkdaşlıq müqaviləsi imzalanıb.
Missiya.Az xəbər verir ki, razılaşma OpenAI-nin qeyri-kommersiya fond statusundan çıxaraq “İctimai Fayda Korporasiyası” (Public Benefit Corporation, PBC) formasında fəaliyyət göstərməsinə imkan verir.
Yeni struktur çərçivəsində Microsoft şirkəti OpenAI Qrup PBC-də 135 milyard dollarlıq paya sahib olacaq. Bu, Microsoft-un əvvəlki 13,8 milyard dollarlıq investisiyasına qarşı təxminən 10 qat gəlir deməkdir.
Müqaviləyə əsasən, OpenAI 2032-ci ilə qədər Microsoft-un Azure bulud xidmətlərindən 250 milyard dollar dəyərində resurs alacaq. Bununla belə, Microsoft OpenAI-ya prioritet xidmət hüququnu itirəcək və onun yeni avadanlıqlarına sahiblənməyəcək.
Sazişdə, OpenAI-nin süni intellektin insan səviyyəsinə (AGI) çatdığını elan etdiyi halda, bu iddianı müstəqil şura tərəfindən yoxlanılması da nəzərdə tutulub.
Ekspertlər hesab edir ki, yeni struktur OpenAI-yə daha geniş maliyyə imkanları və şəffaflıq təmin edəcək, şirkətin innovasiya sürətini artıracaq.
Seyranə QuliyevaMissiya.Az
