Almaniya kubokunun 1/16 final mərhələsində keçirilən “Leyptsiq” – “Enerqi Kotbus” oyunu faciə ilə başlayıb.
Publika.az xəbər verir ki, qarşılaşmadan əvvəl meydan sahiblərinin azarkeşi dünyasını dəyişib. Bu barədə ev sahibi klubunun mətbuat xidməti məlumat yayıb.
Azarkeşlər stadionun girişinə toplaşarkən komandanın tərəfdarlarından biri qəfil huşunu itirib. O, dərhal xəstəxanaya aparılsa da, həkimlər onun həyatını xilas edə bilməyiblər.
Klubun məlumatına görə, faciə xarici müdaxilə olmadan baş verib. Hər iki komandanın azarkeşləri və stadiondakı tamaşaçılar hadisəyə hörmətlə yanaşaraq futbolçulara dəstək üçün nəzərdə tutulan ənənəvi şüar və çağırışlardan imtina ediblər.
