“Real Madrid” Madriddəki Əyalət Məhkəməsinin UEFA, İspaniya Futbol Federasiyası (RFEF) və La Liqanın apellyasiya şikayətlərini rədd etməsini müsbət qərar kimi qiymətləndirib.
İdman.Biz xəbər verir ki, məhkəmə UEFA-nın Superliqa məsələsində Avropa İttifaqının azad rəqabət qaydalarını pozduğunu və dominant mövqedən sui-istifadə etdiyini təsdiqləyib.
“Bu qərar UEFA-nın Superliqa məsələsində Avropa rəqabət qanunlarını pozduğunu və dominant mövqeyindən sui-istifadə etdiyini təsdiqləyir. Qərar klubun üzləşdiyi əhəmiyyətli zərərlərin ödənməsi üçün imkan yaradır”, – deyə klubun açıqlamada bildirilib.
“Real Madrid” həmçinin vurğulayıb ki, 2025-ci il ərzində UEFA ilə dəfələrlə danışıqlar aparılıb, lakin daha şəffaf idarəetmə, maliyyə davamlılığı, futbolçuların sağlamlığının qorunması və azarkeşlər üçün qlobal səviyyədə əlçatan və pulsuz yayım modelləri kimi məsələlərdə razılıq əldə olunmayıb.
