Keçmiş “Çelsi” ulduzu Eden Hazard İngiltərə Premyer Liqasının Şöhrət Zalına seçilib.
QOL.az xəbər verir ki, bu barədə Premyer Liqanın mətbuat xidməti məlumat yayıb.
Belçikalı vinger 2012–2019-cu illərdə London klubunun heyətində 245 oyuna çıxaraq 85 qol vurub və 57 məhsuldar ötürmə edib. “Çelsi” ilə iki dəfə İngiltərə çempionu olan Hazard, Şöhrət Zalına daxil edilən 26-cı futbolçu olub.
Qeyd edək ki, bu ada yalnız karyerasını başa vurmuş futbolçu və ya məşqçilər layiq görülür.
Xatırladaq ki, 2019-cu ildə “Çelsi”dən 120 milyon avroya “Real”a transfer olunan Hazard İspaniyada gözlənilən səviyyədə çıxış edə bilməyib və karyerasını erkən başa vurub.
